ҚОР ЖОБАЛАРЫ
Даун Синдромымен туылған баланың отбасына психологиялық қолдау көрсету
Нәрестенің Даун Синдромымен дүниеге келуі, әрине, көп жағдайда әр ата-ана үшін «үлкен тосынсый» болып табылады. Не істеу керек? Әрі қарай қалай өмір сүру керек? Кім кінәлі? Алғашқы уақытта осы және басқа да сұрақтар «ерекше нәрестені» дүниеге келген әрбір отбасын мазалайды. Кейде баласы туралы естіген ата-ана есеңгіреп, абыржыған күйінде нәрестені перзентханада қалдырып, тастап кетіп те жатады. Осындай отбасыларға қолдау көрсетіп, дұрыс шешім қабылдаулары үшін жол сілтегіміз келеді. Осы мақсатта біздің қор Даун Синдромымен туылған нәрестелердің ата-аналарына күйзеліс жағдайында психологиялық көмек көрсетіп, балаларды тәрбиелеу, дамыту ерекшеліктері, түзету-педагогикалық қолдау орталықтарының байланыстары, заңнама бойынша көзделген төлемдер мен жеңілдіктер туралы ақпарат беретін арнайы әдебиеттер ұсынады, сонымен қатар жоғары білікті мамандарды табу және т.б.қызмет түрлерін ұсынады. Қор жанындағы түзету орталығында біз Қазақстанның түкпір-түкпірінен келген ата-аналарға кеңес береміз.
«Күн бала» түзету орталығы
2016 жылдың тамыз айында «Күн бала» түзету орталығы ашылды. Орталықта жыл сайын 150-ге жуық бала білім алады. Орталықтың ғимараты Алматы қаласының әкімдігі тарапынан берілді және орталық демеушілік және ата-аналардың ай сайынғы жарнасы негізінде жұмыс істейді.
Орталық келесі қызметтерді ұсынады:
- Балаларға арналған ерте түзету бойынша топтық сабақтар;
- ЛФК (емдік физикалық терапия) және AФК (бейімделген физикалық терапия);
- Орыс және қазақ тілдерінде дефектолог-логопедпен жеке және топтық сабақтар;
- Мектепке дайындық бағдарламасы;
- Нейротүзету сабақтары;
- Жасөспірімдерге арналған психологпен өтетін топтық сабақтар;
- Мектеп оқушыларына арналған топтық сабақтар.
Орталық келесі қызметтерді ұсынады:
- Балаларға арналған ерте түзету бойынша топтық сабақтар;
- ЛФК (емдік физикалық терапия) және AФК (бейімделген физикалық терапия);
- Орыс және қазақ тілдерінде дефектолог-логопедпен жеке және топтық сабақтар;
- Мектепке дайындық бағдарламасы;
- Нейротүзету сабақтары;
- Жасөспірімдерге арналған психологпен өтетін топтық сабақтар;
- Мектеп оқушыларына арналған топтық сабақтар.
Мүмкіндіктер наубайханасы
2023 жылдың ақпан айында «Мүмкіндіктер наубайханасы» жобасы іске қосылды. Онда Даун Синдромы бар жасөспірімдер нан пісіруді және ыстық тамақ дайындауды үйренеді. Оқу процесі білікті наубайшы-технологтың жетекшілігімен жүзеге асырылады.
Жобаның мақсаты – жасөспірімдерді өз бетінше тамақ дайындауға, қоғамдық және тұрмыстық дағдыларды меңгеруге, мүмкіндігінше кәсіпті үйреніп, мамандық алып, жұмысқа орналасуына көмектесу.
Қазіргі таңда аталмыш жоба 15 пен 28 жас аралығындағы 20 жасөспірімдерді қамтиды.
Жобаның мақсаты – жасөспірімдерді өз бетінше тамақ дайындауға, қоғамдық және тұрмыстық дағдыларды меңгеруге, мүмкіндігінше кәсіпті үйреніп, мамандық алып, жұмысқа орналасуына көмектесу.
Қазіргі таңда аталмыш жоба 15 пен 28 жас аралығындағы 20 жасөспірімдерді қамтиды.
«Даун Синдромы бар баламен бірге өмір сүру» онлайн жобасы
Мамандардың қатысуымен Даун Синдромы бар балалармен бірге өмір сүрудің ерекшеліктері туралы және басқа да маңызды тақырыптарда 50-ден астам бейнеролик түсірілді. Әсіресе ерекше баланы тәрбиелеудің құқықтық аспектілері, әлеуметтік жеңілдіктер, балалардың жас кезінен дамуы, ойлау мен сөйлеудің дамуы, жасөспірімдік кезеңнің ерекшеліктері және т.б. тақырыптар қарастырылған. Барлық бейнероликтер қорымыздың әлеуметтік желідегі ресми парақшаларында жүктеледі.
Біздің қор қаланың жоғары оқу орындарымен белсенді түрде ынтымақтастық қарым-қатынас орнатып, болашақ әлеуметтік және түзету мамандарына, дене шынықтыру мамандарына және физикалық терапия нұсқаушыларына қор жанындағы түзету орталығы мен наубайханада педагогикалық тағылымдамадан өтулеріне мүмкіндік береді. Қор сонымен қатар педагогикалық және медициналық жоғары оқу орындарының студенттеріне «Даун Синдромы бар адамдардың ерекшеліктері» тақырыбында дәрістер өткізеді, осындай дәрістер арқылы студенттер болашақта өз мамандығы бойынша қызмет етуінде қажет болатын құнды ақпарат ала алады.
Қалалық жоғары оқу орындарымен ынтымақтастық қарым-қатынас орнату
Сайт ITeachMe қоры серіктестігімен және Шелл Қазақстанның қаржылай қолдауымен жасалды
